Want to share this cute poem I read in a literature site:

Uddaan

Nanha parinda main aaj sahi
par kal bada ho jaunga
is falak ko door khitij tak
chhoo kar laut aaunga

chota tan per man bahut vishal hai
pankh mere, lo uddne ko tayyar hai
apne pankho me samete
vyom ko bhar launga

oonche parvat dekh ghabra
ruk main na paoonga
sooraj ko ja chu uski
kuch aag sang le aoonga

kare pinzarbadh hume aab
sahan nahi kar paoonga
apne rakht se bhari
mashal kranti ki jaloonga


It also had this poem we read in our grade 1 or 2 in 80s


Ham Panchhi Unmukt Gagan ke
Pinjarbandhh na reh paayenge
Kanak Teeliyon se takraa kar
Pulkit Pankh toot jaayenge..

Ham behtaa jal peeney waale
marr jaayenge bhooke pyaase
kahin bhalii hai katuk nimbori
kanak katorii kii maidaa se ...

Svarn Shrinkhla ke bandhan mein,
Apni gati udaan sab bhoole,
Bas sapno mein dekh rahe hain,
Taru ki phungi, par ke jhoole

Aise the armaan ki udte,
Neel gagan ki seema paane,
Laal kiran si chonch khole,
Chugte taarak, anaar ke daane

Hoti seema heen kshitij se,
In pankho ki hoRa hoRi,
Ya to kshitij milan ban jaata,
Ya tanti saanso ki dori

Need na do, chaahe tehni ka,
Aashray chhinn-bhhinn kar daalo,
lekin pankh diye hain to,
Aakul udaan mein vighn na daalo ..

I liked both of these and hope you enjoy them too!

Nice reads . Thanks for sharing .

-----------------------------------------------------------------
Fido.